புதன், 3 பிப்ரவரி, 2016

நட்பென்றால் இதுதான் நண்பா

நட்பென்றால் இதுதான் நண்பா
----------------
நட்பு உலகின் தோற்றத்திலிருந்து .....
படைத்தவனால் கிடைத்த அமிர்தம் ....!
காவியங்கள் காப்பியங்கள் கதைகள் ....
இலக்கியங்கள் புராணங்கள் மற்றும் ....
மறை நூல்கள் ,சொல்லாத விடயத்தையா ....
நான் சொல்லிவிடப்போகிறேன் ....?
எல்லாம் அங்கிருந்தே எடுக்கிறோம் ....!!!

புனித குர்ரானில் சொல்லாத நட்பா ....?
புனித பைபிளில் சொல்லாத நட்பா ....?
மறைநூல் திருக்குறளில் சொல்லாத நட்பா ....?
இதுவரை எழுதிய கவிஞர்கள் சொல்லாததா...?
நடித்து கலைத்த நாடகங்கள் சொல்லாததா...?
சிந்தனையாளர் கொட்டி தீர்த்த சிந்தனையை ....
விடவா நான் நட்பை விளக்கிடபோகிறேன்...?

முடிந்தவரை நண்பா நட்பு என்றால் என்ன ....?
பொறுக்கி எடுத்ததில் பெருக்கி சொல்கிறேன் ...!!!

மனைவியிடம் எதையும் மறைக்காமல் .....
பகிர்ந்தால் குடும்பம் பிரியும் என்று ....
புரிந்தும் உண்மையை சொல்லும் கணவன் ....
" குடும்ப நட்பின் தலைவன் " ....!!!

அவனுக்கு அவளுக்கு தலைவலித்தால் ....
இவனுக்கு இதயம் வலிக்கும் என்று ...
உள்ளத்தால் வேதனை படும் உயிர் ....
" உறவு நட்புக்கு தலைவன் ".....!!!

தடக்கி தடம் புரண்டு விழும்போது .....
கை கட்டி நின்று பார்க்காமல் ....
கைகொடுத்து தோள் கொடுத்து ....
தூக்கிவிடுபவன் நட்புகளின் ....
"உதவும் கரங்கள் நட்புக்கு தலைவன் "....!!!

நண்பனின் மலர்ச்சியில் மனம் ....
மகிழ்ந்து அவனின் வளர்ச்சியில் ....
மனம் நெகிழ்ந்து - அவன் உயர்ச்சியில் ....
உச்சி குளிர்ந்து உள்ளத்தால் வாழ்த்துபவன் ....
நட்புக்கெல்லாம் தலைவன் என்றார் ...
கண்ணதாசன் ஐயா.....!!!

திருவள்ளுவர் கூறும் நட்பு .....
குர்ரான் கூறும் உன்னத நட்பு .....
பைபிள் கூறும் அன்பு நட்பு .......
கடை பிடிக்க முயற்சி செய் ....
முடியாவிட்டால் அவற்றை....
வாசித்து பயிற்சி செய் ......
உலகமே உன் வசப்படும் .....!!!

என் பைந்தமிழ் மூதாதைகள் ....
நட்புக்கு வகையே கூறியுள்ளார்கள் .....!!!

" தலையாய நட்பு " - ஒருமுறை தண்ணீரில் ....
வளரும் பனைமரம் போல நட்பு கொண்ட ....
நொடிமுதல் உயிர்வரை தொடரும் .....!!!

" இடையாய நட்பு" - இடைக்கிடையே ...
தண்ணீரூற்றினால் வளரும் தென்னைபோல்....
நட்பை வளர்க்கும் நட்பாகும் .....!!!

" கடையாய நட்பு " தினம் தோறும்....
தண்ணீரூற்றினால் வளரும் பாக்குமரம்போல் ....
நட்பை வளர்க்கும் நட்பாகும் .....!!!

எந்த நட்பு எப்படி வரும் என்பதை ...
யார் அறிவார் பராபரமே என்பதுபோல் ...
வரும் நட்பை காப்பற்றுவதே நல் நட்பாகும் ....!!!

இவனுடன் இவளுடன் பழகினால் ....
இது இது கிடைக்கும் என்று கணக்கு....
போட்டு பழகுவதும் - துன்பம் வரும்போது ...
விலகி நின்றுவிட்டு நான் இருந்திருந்தால் ....
உன்னை விட்டிருக்க மாட்டேன் என்று ....
பாசாங்குடன் பழகும் நட்பும் கூடா நட்பு ....!!!

இறுதியில் யான் கூறுவது ....
பருவத்துக்கு காய்க்கும் மாங்காய்போல்...
மாங்காய் நட்பை காட்டிலும் ....
காலமெல்லாம் காய்க்கும் தென்னை போல் ...
தேங்காய் நட்பு சிறப்பு .....!!!

நடந்து வந்த பாதையை திரும்பி பார்க்கிறேன்

வறுமை
எல்லோருக்கும் பொதுமை  .....
உலகில் சதித்தவனும் ....
சாதிக்க போகிறவனுக்கும் ....
மூலதனம் - வறுமை ....!!!

இவனுக்கோ ....
பிறப்பிடமே - வறுமை - என்றால் ....
கொஞ்சம் கேட்கவும் சகிக்கவும் ....
உங்களுக்கு கடினமாய் தான் ....
இருக்கப்போகிறது .....!!!

யார் இவன் ...?
அடிப்படை வசதிகள் குறைந்த ....
அடுத்த வேளை சாப்பாட்டுக்கு ...
தன்மானத்துடன் காத்திருந்து ....
கிடைத்தால் சாப்பிட்டு ....
கிடைக்கா விட்டால் ஈரதுணியை ....
வயிற்றில் கட்டி வாழ்ந்த ....
கௌரவம் மிக்க வறுமை குடும்ப ....
நாயகன் - " ஆதவன் ".......!!!

இவனது
வாழ்கை தற்காலத்துக்கு ....
எந்தளவுக்கு பொருந்தும் ...
ஏற்கும் என்று தெரியாது ....
ஆனால் இவனின் வாழ்கை ....
இவனுக்கு முழு உண்மை .....!!!

^^^

வாருங்கள்
இவனின் வாழ்கையை
கேட்போம் ....
^^^
நடந்து வந்த பாதையை திரும்பி பார்க்கிறேன்
^^^
கவிப்புயல் இனியவன்



கனவாய் கலைந்து போன காதல் 02

பூவழகன் ....
ஒரு கிராமிய இளைஞன் ....
நவ நாகரீகம்  தெரியாதவன் ....
அதிகம் பேசாதவன் .....
பெரும் படிப்பு என்றுமில்லை ....
படிப்பு இல்லையென்றுமில்லை ....
ஆனால் வறுமை என்றால் ....
நன்கு தெரிந்தவன் ....!!!

கிராம புறத்தில் சாதாரண ....
படிப்பை முடித்து நகர்புறம் .....
உயர் கல்விக்காய் போகிறான் .....
நகர புறத்தில் இருபால் பாடசாலை .....
பொதுவாகவே பெண்கள் என்றால் ....
பூவழகனுக்கு ஒருவித பயம் .....
பாடசாலையோ கலவன் .....
புதிய முகங்கள் நகர்புற பெண்கள் ....
பூவழகனை காட்டிலும் உசார் ....!!!

முதல் நாள் பாடசாலை வாழ்க்கை .....
கிராம புறத்திலிருந்து நகர்புறம் .....
இடம்மாறிய பதட்டம் ,பயம் ....
பூவழகனை சுற்றி நண்பர்கள் ....
குசலம் விசாரிப்பதில் மும்மரம் ....
பயத்தோடும் அசட்டை துணிவோடும் ...
அன்றைய நாள் முடிவுக்கு வந்தது ....!!!

^^^

தொடர்ந்து வருவான் ...
இவன் கதை கூட உங்கள் ...
கதையாக இருக்கலாம் ....
கனவாய் கலைந்து போன காதல்
வசனக்கவிதை....!!!

^^^

கவிப்புயல் இனியவன் 

செவ்வாய், 2 பிப்ரவரி, 2016

வலிக்கும் இதயத்தின் கவிதை

காதலில்  ....
எல்லாவற்றையும் ...
பெற்று ....
எல்லாவற்றையும் ....
இழக்கிறோம் .....!!!

சேர்ந்து வாழ ....
காதல் செய்து ....
தனித்தனியாய் ...
பிரிந்திருக்கிறோம் ....!!!

^^^
வலிக்கும் இதயத்தின் கவிதை
கவிப்புயல் இனியவன்
^^^^

பறவாயில்லை ....
காதல் பரிசாய் ....
வலிகள் என்றாலும் ....
தந்தாய் ....!!!

பரிசாய் ....
கிடைத்தவற்றை ....
பக்குவமாய் ....
சுமக்கிறேன் ....!!!

^^^
வலிக்கும் இதயத்தின் கவிதை 
கவிப்புயல் இனியவன்

பாஷையால் கொன்றாய்

ஆரம்பத்தில் ....
பார்வையால் கொன்றாய் ....
இடையில் ....
பாஷையால் கொன்றாய் ....
முடிவில் ....
பாவையே உன்னால் பட்ட ...
மரமாகிவிட்டேன் ....!!!

^^^
வலிக்கும் இதயத்தின் கவிதை
கவிப்புயல் இனியவன்

உனக்கே துடித்த இதயம்

நிச்சயம் ,,,,
நீ எனக்கு சொந்தமில்லை ...
என்றோ அறிந்து விட்டேன் ....
இருந்தும் .....!!!

இதயம்  ஏற்க தயங்குகிறது ....
உன்னையே  நினைத்து ...
உனக்கே துடித்த இதயம் ....!!!

எப்படி ....?
உன்னைப்போல் திடீரென ....
மறக்கும் .....?

^^^
வலிக்கும் இதயத்தின் கவிதை
கவிப்புயல் இனியவன்

திங்கள், 1 பிப்ரவரி, 2016

கனவாய் கலைந்து போன காதல்

எல்லோர் பருவத்திலும் ...
வந்த காதல் இவனுக்கும் ....
வந்து தொலைந்தது ....
யார் இவன் .....?

காதலுக்காய் காதல் ...
செய்தான் காதோடு ....
வாழ்ந்தான் இப்போ ....
காதலி இல்லாமல் ....
காதலோடு வாழ்கிறான் ....!!!

காதல் இளவரசன் ....
என்பதா ..?
காதல் தோல்வி ....
தேவதாஸ் என்பதா ...?
இரண்டுக்கும் ....
இடைபட்டவன் தான் ...
இந்த கவிதை தொடரின் ...
நாயகன் - கதாநாயகன் ...
" பூவழகன் "

தொடர்ந்து வருவான் ...
இவன் கதை கூட உங்கள் ...
கதையாக இருக்கலாம் ....!!!

^
கனவாய் கலைந்து போன காதல்
கவிப்புயல் இனியவன்
வசனக்கவிதை 

அதிசயக்குழந்தை - வீடு

அதிசயக்குழந்தை - வீடு
------
எப்போதுமே ....
தெருகில் நிற்கிறாயே ....
உனக்கு வீடே இல்லையா ...?
குழந்தாய் ...?

எனக்கு சிறையில் ...
இருப்பது பிடிக்காது ...
என்றான் சட்டென்று ...!!!

வீட்டையேன் ...
சிறை என்கிறாய் ...?
அது பாதுகாப்பான ...
இடமல்லவா ....?
இருள் மழை காற்று ...
மின்னல் வெயில் ....
எல்லாவற்றிலும் இருந்து ....
பாதுகாக்கிறதே.....
அது எப்படி சிறை ....?

ஆசானே ....
வாழ்நாள் முழுதும் ...
இருள் மழை காற்று ...
மின்னல் வெயில் ....
எல்லாவற்றிலும் பேராடி ...
வாழும் மிருகத்துக்கு ...
எங்கே வீடு ....?

குழந்தாய் ....
அவை இவற்றிலிருந்து ....
வாழ்வதற்கான திறனில் ...
படைக்கப்பட்டுள்ளன ....
அவற்றுக்கு வீடு ......
தேவையில்லை ...!!!

அப்போ பலவீனமாக ....
படைக்கப்பட்ட மனிதனுக்கே ...
வீடு தேவைப்படுகிறது ....
அப்படிதானே ஆசானே ...?
பலவீனமாய் படைக்கபட்ட ...
மனிதனே இயற்கையை ....
அழித்தும் வாழ்கிறான் ....
எல்லா விடயத்திலும் ...
இருந்து வெளியில் வாருங்கள் ....
ஆசானே சுதந்திரமாய் ....
வாழ்வோம் .....!!!

^
அதிசயக்குழந்தை
வசனக்கவிதை
கவிப்புயல் இனியவன்
தொடர் - 07

இதயம் கருகிவிடும்

இயற்கை பூவை ....
காட்டிலும் ....
நம் காதல் பூ
விரைவாக
வாடிவிட்டது .....!!!

நீ
கவலையோடு ....
மூச்சு விடாதே ....
இதயம் கருகிவிடும் ....!!!

நாகம்
கொடிய விஷம்
யார் சொன்னது ...?
உன்
நகம் சுண்டும் ....
ஓசையை விட வா ..?

^
கவிப்புயல் இனியவன்
தொடர் பதிவு கஸல் - 955

காதலுடன் வாழ்வேன் .

நான்
சிப்பிக்குள் இருக்கும்
முத்து
நீ
சிப்பிக்கு வெளியே
சேறு.....!!!

உன்னுடன்
சேகரித்த காயங்களுடன் ....
காலமெல்லாம்
காதலுடன் வாழ்வேன் ....!!!

உன்னால் ....
அழுது அழுது இமைகள் ....
கூட அழுவதற்கு ....
கற்று விட்டன ....!!!

^
கவிப்புயல் இனியவன்
தொடர் பதிவு கஸல் - 954

நீ ஆயுத எழுத்து

எதற்கும்
அஞ்சாதவன் ....
உன் கண்ணுக்கு ...
அஞ்சுகிறேன்......!!!

நான்....
காதலில்  ....
உயிரெழுத்து ......
நீ
ஆயுத எழுத்து ....!!!

அரசியலில் -நீ
பேசியிருந்தால் ...
வென்றிருப்பாய் ....
காதலில் பேசியதால் ...
தோற்று விட்டாய் ....!!!

^
கவிப்புயல் இனியவன்
தொடர் பதிவு கஸல் - 953


என்னை உன்னில் புதைத்துவிடு

நீ
காதலை ....
சொல்லமுதல் ....
நான் இன்பமாய் ....
இருந்தேன் ....!!!

உன் பார்வை
எனக்கு அவசர சிகிச்சை
மருத்துவ மனை ....
உன் வார்த்தை
நோய் காக்கும் மருந்து ...!!!

நீ
சவக்குழி ....
நான்
சவம் என்னை ...
உன்னில் புதைத்துவிடு ...!!!

^
கவிப்புயல் இனியவன்
தொடர் பதிவு கஸல் - 952

உன் பார்வை எனக்கு பாடை

உன் கண்கள் ...
எனக்கு கை விலங்கு....
உன் பார்வை
எனக்கு பாடை ....!!!

காதல்
ஒரு வினோத உலகம் ...
கவலைகள் மூலதனம்
கண்ணீர் அதன் சொத்து ....
மூலதனம் சொத்துக்கு
சமன் ........!!!

கண்ணீர் துளியால்
கவிதை எழுதுகிறேன்
பன்னீர் தெளிக்க
ஆசைப்படுகிறாய் ....!!!
^
கவிப்புயல் இனியவன்
தொடர் பதிவு கஸல் - 951

வியாழன், 28 ஜனவரி, 2016

உயிரே மன்னித்துவிடு

வேண்டாம் என்னை ....
விட்டு விடு ....
காதலித்தது போதும் .....
விலக்கிவிடு ....!!!

தனியாக.....
இருக்க என்னை....
அனுமதித்துவிடு ..
துணை வேண்டாம் ....
அன்பே என்னை ....
மறந்துவிடு ....!!!

பிணமாக
நடக்க ஆசைப்படுகிறேன்
உயிர் வேண்டாம் ....
உயிரே என்னை ....
மறந்துவிடு ....!!!

இத்தனையும் சொல்ல ....
துடிக்கிறது மனசு
முடியவில்லை ....
உயிரே மன்னித்துவிடு ...!!!

இருக்கும்
ஒவ்வொரு நிமிடமும் ...
ஒவ்வொரு மூச்சும் ...
அன்பே உனக்காகத்தான் ....
என்பதை மறந்துவிடாதே ...!!!

^^^
கவிப்புயல் இனியவன்

இப்போதான் புரிந்தது

அன்பால்
அடிமையாகினேன் ...
என்று தப்பாய் ....
நினைத்துவிட்டேன் ....!!!

இப்போதான் ....
புரிந்தது என்னை ...
அடிமையாக்கவே ....
அன்பு வைத்திருகிறாய் ...!!!

^^^
கவிப்புயல் இனியவன்

நினைக்கவும் முடியவில்லை

என்னை விட்டுசென்ற...
அவளை இன்னும் காதலித்து ...
கொண்டுஇருக்கிறேன்....!!!

அவளை
மறக்க முடியாமல் இல்லை....
இன்னொருத்தியை
நினைக்கவும் முடியவில்லை ...!!!

^^^
கவிப்புயல் இனியவன்

உனக்காய் காத்திருப்பவை

உன் முகம் காண
காத்திருக்கிறது
நிலா...!!!

உன் மூச்சுக்காய்
தாத்திருக்கிறது ...
இசை....!!!

உன் வரவுக்காய் ....
நிழல் தரகாத்திருகிறது
மரம் ....!!!

உன் கண்ணுக்காய்....
காத்திருக்கிறது
காட்சி ....!!!

^^^
கவிப்புயல் இனியவன்

ஏக்கத்தை புரிந்தவர்கள்

காதல்
இரு உள்ளங்களின்
ஏக்கம் ....!!!

ஏக்கத்தை புரிந்தவர்கள்
வெல்லுகிறார்கள் ..
ஏக்கத்தை ...
தொலைத்தவர்கள் ...
தோற்கிறார்கள் ...!!!

உயிரின் வலிஅறியவில்லை

உன்னோடு
இணைந்து திரிந்த நான்.....
தனியாக போகிறேன்..
எப்போதோ தொலைத்த ஒன்றை
தேடிக்கொண்டு.....!!!

வளையல் சத்தம் கேட்கிறது
கொலுசின் ஓசை கேட்கிறது
சிரிப்பொலிகள் கேட்கிறது
எல்லாம் பிரம்மையில் ....!!!

தேடித்தேடி
அலைகின்றேன்
தேடியது கிட்டவில்லை
கிடைத்தது ஒன்று ....
எனக்கு பிடிக்கவில்லை ...!!!

வாழ்க்கையெனும்....
மனச்சோலையில்....
வாழ்ந்து கொண்டுடிருக்கிறேன்....
உயிரின் வலிஅறியவில்லை.....
உறங்குகின்றேன் காதலியே.....
உன் நினைவோடு.....!!!

நினைத்து விடாதே

நீ
போவதென்றால் போ...
உன்
காதல் என்னை விட்டு
போய் விட்டது என்று ....
நினைத்து விடாதே ...!!!

நீ ..
விலகி நிற்கிறாய் ...!!!
உன் நினைவு ...!!!
என்னை விலகாமலே ..
இருக்கிறது ...!!!
நான் என் நினைவு ....
காதலியுடன் ..
அழகாக வாழ்வேன் ...!!!

+++
கவிப்புயல் இனியவன்

நெஞ்சை தொடும் காதல் கவிதைகள்

நான் எப்போது
உன்னை பார்த்தேனோ ..
அப்போதே
என்னை மறந்து விட்டேன்...!!!

அதனால்தான் என் காதலை
உன்னிடம் சொல்லாமல் ..
ஒருதலைக்காதலாய்
வாழ்ந்துவிட்டேன் ...!!!

+++
கவிப்புயல் இனியவன் 

அதிசயக்குழந்தை - கை

அதிசயக்குழந்தை - கை
----
கை தட்டி ஆரவாரமாக ....
இருந்தான் அதிசயக்குழந்தை.....
என்ன அத்துணை மகிழ்ச்சியோ ....?
ஆசான் அதிகாரத்தில் கேட்டேன் ....!!!

எனக்கு ....
கை கூப்புவது பிடிக்காது .......
கை தட்டுவதே பிடிக்கும் என்றான் ....
கை தட்டி பாருங்கள் -ஓசை மட்டும் ....
வருவதில்லை .ஓயஷ்சும் (காந்த சக்தி )
கிடைக்கும் என்றான் .....!!!

எல்லா மனித நரம்புகளும் ....
கையுடன் தொடர்புபடும் ....
கை தட்டினால் அனைத்து ....
மன அழுத்தமும் பறந்துவிடும் ....
தனித்து நின்று கை தட்டினால் ....
பித்தன் என்கிறார்கள் .....
கூட்டத்தோடு தட்டினால் ...
" பிரார்த்தனை" என்கிறார்கள் ....!!!

இன்னும் ஒன்றை கேளுங்கள்   .....!!!

கைகளை கொண்டு ....
போராடுங்கள் என்றது
மாக்சிஷம்....!
கைகளை ஆயுதமாக்கியது .....
பாசிஷம்.......!
இருகோட்பாடும் தோற்றுவிட்டது...
முதலாளிதுவத்திடம் .....!!!
இங்கு அலங்கார ஆடையுடன் ....
கை கூப்பியவன் ,கை குலுக்கியவன் ....
உலகினிலே நிமிர்த்து நிற்கிறான்  .....
எனக்கு கை கூப்பும் கொள்கை ....
பிடிக்காது ..............!!!

^
அதிசயக்குழந்தை
வசனக்கவிதை
கவிப்புயல் இனியவன்
தொடர் - 06

 

சிறப்புடைய இடுகை

பணம்

பிறந்தவுடன் பாதள அறைக்குள் சிறை பணம் @@@ ஹைகூக்கள் கவிப்புயல் இனியவன்