வியாழன், 23 ஏப்ரல், 2015

என் கவிதையும் நீ காதலும் நீ ....!!!

கவிதையை ரசிக்கிறாய் 
கண்ணீர் விடுகிறாய் 
காதலை வெறுக்கிறாய் 
உயிரே ...!!!

என் காதல் வரிகள் 
எழுத்துக்கள் அல்ல -உன்னை 
நினைத்து எழுதும் ஆத்மாவின் 
உயிர் வரிகள் ....!!!

##########

அவளுக்கு
எப்படி இரக்கம் இருக்கும் ..?
அவள் இதயம்
என்னிடமல்லவா இருக்கிறது ..
தயவு செய்து அவளை திட்டாதீர்

எல்லா நினைவுகளையும்
என்னிடம் தந்து விட்டு
ஒரு பிணமாக இருக்கும்
அவளுக்கு எப்படி வலிக்கும் ..?
அவளின் வலியையும் சேர்த்து
நானே சுமக்கிறேன் ...!!!

###########

 
உன் நினைவுகளால் ....
இந்த நொடிவரை இதயம் ...
துடிக்கிறது ......!!!

உன் நினைவுகள் தான் .....
இந்த நிமிடம்வரை ...
கவிதை எழுத வைக்கிறது ....
என் கவிதையும் நீ காதலும் நீ ....!!!


###########

நடுவரின் தீர்ப்பே இறுதி

நன்கு விபரம் தெரிந்த வயது .....
விடிந்தால் மாவட்ட விளையாட்டு ...
பலநாள் பயிற்சி எடுத்த ஓட்டவீரன் ...
பலருடன் போட்டிபோடும் ....
மெய்வல்லுனர் ஓட்டப்போட்டி .....!!!

நாள் முழுவதும் கற்பனையில் ....
முதலிடத்தை பிடித்ததாய் ....
கனவும் வேறு வந்துதுலைத்தது.....
திடீரென திடுக்கிட்டு எழுந்து .....
மீண்டும் நித்திரையின்றி தவிர்ப்பு ....!!!

ஆரம்பமானது ஓட்டப்போட்டி .....
மைதானம் வானை தொடும் வரை ...
கரகோஷம் நான் வெற்றிபெற ...
முகம்தெரியாதவர்கூட கத்தும் ....
என் பெயர் ஓடினேன் ஒடினேன் ....!!!

எல்லை கோட்டை நெருங்கும் ....
ஒருசில நொடியில் யார் முதலிடம் ....
யார்...? இரண்டாம் இடம் ...?
முடிவை தெரிவிக்க தடுமாறும் ....
நடுவரின் பரிதாப நிலை .....!!!

நடைபெற்றது என்ன ஒலிம்பிக்கா ...?
நொடிகணக்கில் நேரத்தை கணிக்க ...
கண் பார்வையும் மனசாட்சியும் ....
தீர்ப்பின் நீதிபதி - அறிவித்தார்கள் ...
நான் இரண்டாம் இடமாம் .....!!!

நானும் பொறுப்பாசிரியரும்....
இயன்றவரை போராடினோம் .....
முதலவாது வந்தமாணவன்.....
முதன்மையானவரின் மகனாம் ....
தவிர்க்கமுடியாமல் நடுவரின் தீர்ப்பு ....!!!

நடுவரின் தீர்ப்பே இறுதியானது ....!
இன்றுவரை முள்ளாய் குற்றிக்கொண்டே ....
இருக்கும் தீர்ப்பு - நடுவர்கள் நடுநிலை ...
தவறினால் வாழ்நாள் முழுதும் ....
போட்டிகள் என்பது கசப்புதான் ....!!!

புதன், 22 ஏப்ரல், 2015

தப்புதான் உயிரே ....!!!

என்னை
தயவு செய்து .....
மரணமாக்கி விட்டு ....
நீ மௌனமாக இரு ...!!!

காதலையும் .....
காதலியையும் ......
மலரோடு ஒப்பிட்டது ...
தப்புதான் உயிரே ....!!!

உன் நினைவுகளால் ...
துருப்பிடித்து விட்டது ...
என் இதயம் - திருத்துவதும்
துரத்துவதும் உன் கையில் ...!!!

+
கவிப்புயல் இனியவன்
கஸல் கவிதை ;795

எங்கிருந்தாலும் வாழ்க .

உன்
சிரிப்பால் மலர்ந்த ...
காதல் - ஊர் சிரிக்கும்படி
ஆகிவிட்டது ....!!!


ஓட்டபந்தயத்தில் ...
இறுதிநேரத்தில் இரண்டாம் ...
இடத்தை அடைந்ததுபோல் ...
என் காதல் ....!!!


என்னோடு வாழ்வாய் ...
என்றிருந்தேன் ...
எங்கிருந்தாலும் வாழ்க ..
என்று வாழ்க என
வாழ்த்தவைத்துவிட்டாய் ....!!!

+
கவிப்புயல் இனியவன்
கஸல் கவிதை ;794

ஏன் வாடி விழுந்தாய் ...?

உலகமே காதலால் ...
இயங்குகிறது ....
அப்படிஎன்றால் நம்
காதல் தோற்றதேன் ...?

பூவை தந்து காதல்
செய்த நீ - ஏன்
வாடி விழுந்தாய் ...?

அழவும் ஆசையாய்
இருக்கிறது - நீ
சுட்டுவிரலால் கண்ணீரை
துடைத்து விடுவதுபோல் ..
உன் நினைவால் ...!!!

 +
கவிப்புயல் இனியவன்
கஸல் கவிதை ;793

கண்ணீரால் அணைக்கிறேன் ....!!!

காதல் தோற்றத்துக்கு 
குற்றம் சொல்லேன் ...
உன்னை படைத்த ...
இறைவனை நிந்திக்கிறேன் ...!!!

என் கவிதைகள் 
உன்னை பற்றிய தீ 
பந்தங்கள் - கண்ணீரால் 
அணைக்கிறேன் ....!!!

நீ அழகு ...
உன் காதல் .....
அழகாகவில்லை...
காத்திருப்பேன் -உன் 
அழகு மறைந்தாலும் 
காதலுக்காய் ....!!!

+
கவிப்புயல் இனியவன் 
கஸல் கவிதை ;792

காதலே விழுந்துவிட்டதே ...

என் கவிதையின்
விசிறி எழுத்து - நீ
விசிறி விட்டு போய் ...
விட்டாய் .....!!!

விட்டு கொடுப்பது நல்லது ...
என்னை விட்டு கொடுத்தது ...
தப்பாய் போயிற்றே ...!!!

காதலில் விழலாம் ...
காதலே விழுந்துவிட்டதே ...
நமக்கு ....!!!

+
கவிப்புயல் இனியவன்
கஸல் கவிதை ;791

சிறப்புடைய இடுகை

நீ ராஜ வாழ்க்கை வாழ்கிறாய்

உன்னை பார்த்து நான்கு பேர் திட்டும் கடன்காரனாக இல்லாமலும்....! நீ நான்கு ..... பேரை பார்த்து திட்டும்.... குடிகாரனகவும் ..... இல்லா...