திங்கள், 1 பிப்ரவரி, 2016

கனவாய் கலைந்து போன காதல்

எல்லோர் பருவத்திலும் ...
வந்த காதல் இவனுக்கும் ....
வந்து தொலைந்தது ....
யார் இவன் .....?

காதலுக்காய் காதல் ...
செய்தான் காதோடு ....
வாழ்ந்தான் இப்போ ....
காதலி இல்லாமல் ....
காதலோடு வாழ்கிறான் ....!!!

காதல் இளவரசன் ....
என்பதா ..?
காதல் தோல்வி ....
தேவதாஸ் என்பதா ...?
இரண்டுக்கும் ....
இடைபட்டவன் தான் ...
இந்த கவிதை தொடரின் ...
நாயகன் - கதாநாயகன் ...
" பூவழகன் "

தொடர்ந்து வருவான் ...
இவன் கதை கூட உங்கள் ...
கதையாக இருக்கலாம் ....!!!

^
கனவாய் கலைந்து போன காதல்
கவிப்புயல் இனியவன்
வசனக்கவிதை 

அதிசயக்குழந்தை - வீடு

அதிசயக்குழந்தை - வீடு
------
எப்போதுமே ....
தெருகில் நிற்கிறாயே ....
உனக்கு வீடே இல்லையா ...?
குழந்தாய் ...?

எனக்கு சிறையில் ...
இருப்பது பிடிக்காது ...
என்றான் சட்டென்று ...!!!

வீட்டையேன் ...
சிறை என்கிறாய் ...?
அது பாதுகாப்பான ...
இடமல்லவா ....?
இருள் மழை காற்று ...
மின்னல் வெயில் ....
எல்லாவற்றிலும் இருந்து ....
பாதுகாக்கிறதே.....
அது எப்படி சிறை ....?

ஆசானே ....
வாழ்நாள் முழுதும் ...
இருள் மழை காற்று ...
மின்னல் வெயில் ....
எல்லாவற்றிலும் பேராடி ...
வாழும் மிருகத்துக்கு ...
எங்கே வீடு ....?

குழந்தாய் ....
அவை இவற்றிலிருந்து ....
வாழ்வதற்கான திறனில் ...
படைக்கப்பட்டுள்ளன ....
அவற்றுக்கு வீடு ......
தேவையில்லை ...!!!

அப்போ பலவீனமாக ....
படைக்கப்பட்ட மனிதனுக்கே ...
வீடு தேவைப்படுகிறது ....
அப்படிதானே ஆசானே ...?
பலவீனமாய் படைக்கபட்ட ...
மனிதனே இயற்கையை ....
அழித்தும் வாழ்கிறான் ....
எல்லா விடயத்திலும் ...
இருந்து வெளியில் வாருங்கள் ....
ஆசானே சுதந்திரமாய் ....
வாழ்வோம் .....!!!

^
அதிசயக்குழந்தை
வசனக்கவிதை
கவிப்புயல் இனியவன்
தொடர் - 07

இதயம் கருகிவிடும்

இயற்கை பூவை ....
காட்டிலும் ....
நம் காதல் பூ
விரைவாக
வாடிவிட்டது .....!!!

நீ
கவலையோடு ....
மூச்சு விடாதே ....
இதயம் கருகிவிடும் ....!!!

நாகம்
கொடிய விஷம்
யார் சொன்னது ...?
உன்
நகம் சுண்டும் ....
ஓசையை விட வா ..?

^
கவிப்புயல் இனியவன்
தொடர் பதிவு கஸல் - 955

காதலுடன் வாழ்வேன் .

நான்
சிப்பிக்குள் இருக்கும்
முத்து
நீ
சிப்பிக்கு வெளியே
சேறு.....!!!

உன்னுடன்
சேகரித்த காயங்களுடன் ....
காலமெல்லாம்
காதலுடன் வாழ்வேன் ....!!!

உன்னால் ....
அழுது அழுது இமைகள் ....
கூட அழுவதற்கு ....
கற்று விட்டன ....!!!

^
கவிப்புயல் இனியவன்
தொடர் பதிவு கஸல் - 954

நீ ஆயுத எழுத்து

எதற்கும்
அஞ்சாதவன் ....
உன் கண்ணுக்கு ...
அஞ்சுகிறேன்......!!!

நான்....
காதலில்  ....
உயிரெழுத்து ......
நீ
ஆயுத எழுத்து ....!!!

அரசியலில் -நீ
பேசியிருந்தால் ...
வென்றிருப்பாய் ....
காதலில் பேசியதால் ...
தோற்று விட்டாய் ....!!!

^
கவிப்புயல் இனியவன்
தொடர் பதிவு கஸல் - 953


என்னை உன்னில் புதைத்துவிடு

நீ
காதலை ....
சொல்லமுதல் ....
நான் இன்பமாய் ....
இருந்தேன் ....!!!

உன் பார்வை
எனக்கு அவசர சிகிச்சை
மருத்துவ மனை ....
உன் வார்த்தை
நோய் காக்கும் மருந்து ...!!!

நீ
சவக்குழி ....
நான்
சவம் என்னை ...
உன்னில் புதைத்துவிடு ...!!!

^
கவிப்புயல் இனியவன்
தொடர் பதிவு கஸல் - 952

உன் பார்வை எனக்கு பாடை

உன் கண்கள் ...
எனக்கு கை விலங்கு....
உன் பார்வை
எனக்கு பாடை ....!!!

காதல்
ஒரு வினோத உலகம் ...
கவலைகள் மூலதனம்
கண்ணீர் அதன் சொத்து ....
மூலதனம் சொத்துக்கு
சமன் ........!!!

கண்ணீர் துளியால்
கவிதை எழுதுகிறேன்
பன்னீர் தெளிக்க
ஆசைப்படுகிறாய் ....!!!
^
கவிப்புயல் இனியவன்
தொடர் பதிவு கஸல் - 951

வியாழன், 28 ஜனவரி, 2016

உயிரே மன்னித்துவிடு

வேண்டாம் என்னை ....
விட்டு விடு ....
காதலித்தது போதும் .....
விலக்கிவிடு ....!!!

தனியாக.....
இருக்க என்னை....
அனுமதித்துவிடு ..
துணை வேண்டாம் ....
அன்பே என்னை ....
மறந்துவிடு ....!!!

பிணமாக
நடக்க ஆசைப்படுகிறேன்
உயிர் வேண்டாம் ....
உயிரே என்னை ....
மறந்துவிடு ....!!!

இத்தனையும் சொல்ல ....
துடிக்கிறது மனசு
முடியவில்லை ....
உயிரே மன்னித்துவிடு ...!!!

இருக்கும்
ஒவ்வொரு நிமிடமும் ...
ஒவ்வொரு மூச்சும் ...
அன்பே உனக்காகத்தான் ....
என்பதை மறந்துவிடாதே ...!!!

^^^
கவிப்புயல் இனியவன்

இப்போதான் புரிந்தது

அன்பால்
அடிமையாகினேன் ...
என்று தப்பாய் ....
நினைத்துவிட்டேன் ....!!!

இப்போதான் ....
புரிந்தது என்னை ...
அடிமையாக்கவே ....
அன்பு வைத்திருகிறாய் ...!!!

^^^
கவிப்புயல் இனியவன்

நினைக்கவும் முடியவில்லை

என்னை விட்டுசென்ற...
அவளை இன்னும் காதலித்து ...
கொண்டுஇருக்கிறேன்....!!!

அவளை
மறக்க முடியாமல் இல்லை....
இன்னொருத்தியை
நினைக்கவும் முடியவில்லை ...!!!

^^^
கவிப்புயல் இனியவன்

உனக்காய் காத்திருப்பவை

உன் முகம் காண
காத்திருக்கிறது
நிலா...!!!

உன் மூச்சுக்காய்
தாத்திருக்கிறது ...
இசை....!!!

உன் வரவுக்காய் ....
நிழல் தரகாத்திருகிறது
மரம் ....!!!

உன் கண்ணுக்காய்....
காத்திருக்கிறது
காட்சி ....!!!

^^^
கவிப்புயல் இனியவன்

ஏக்கத்தை புரிந்தவர்கள்

காதல்
இரு உள்ளங்களின்
ஏக்கம் ....!!!

ஏக்கத்தை புரிந்தவர்கள்
வெல்லுகிறார்கள் ..
ஏக்கத்தை ...
தொலைத்தவர்கள் ...
தோற்கிறார்கள் ...!!!

உயிரின் வலிஅறியவில்லை

உன்னோடு
இணைந்து திரிந்த நான்.....
தனியாக போகிறேன்..
எப்போதோ தொலைத்த ஒன்றை
தேடிக்கொண்டு.....!!!

வளையல் சத்தம் கேட்கிறது
கொலுசின் ஓசை கேட்கிறது
சிரிப்பொலிகள் கேட்கிறது
எல்லாம் பிரம்மையில் ....!!!

தேடித்தேடி
அலைகின்றேன்
தேடியது கிட்டவில்லை
கிடைத்தது ஒன்று ....
எனக்கு பிடிக்கவில்லை ...!!!

வாழ்க்கையெனும்....
மனச்சோலையில்....
வாழ்ந்து கொண்டுடிருக்கிறேன்....
உயிரின் வலிஅறியவில்லை.....
உறங்குகின்றேன் காதலியே.....
உன் நினைவோடு.....!!!

நினைத்து விடாதே

நீ
போவதென்றால் போ...
உன்
காதல் என்னை விட்டு
போய் விட்டது என்று ....
நினைத்து விடாதே ...!!!

நீ ..
விலகி நிற்கிறாய் ...!!!
உன் நினைவு ...!!!
என்னை விலகாமலே ..
இருக்கிறது ...!!!
நான் என் நினைவு ....
காதலியுடன் ..
அழகாக வாழ்வேன் ...!!!

+++
கவிப்புயல் இனியவன்

நெஞ்சை தொடும் காதல் கவிதைகள்

நான் எப்போது
உன்னை பார்த்தேனோ ..
அப்போதே
என்னை மறந்து விட்டேன்...!!!

அதனால்தான் என் காதலை
உன்னிடம் சொல்லாமல் ..
ஒருதலைக்காதலாய்
வாழ்ந்துவிட்டேன் ...!!!

+++
கவிப்புயல் இனியவன் 

அதிசயக்குழந்தை - கை

அதிசயக்குழந்தை - கை
----
கை தட்டி ஆரவாரமாக ....
இருந்தான் அதிசயக்குழந்தை.....
என்ன அத்துணை மகிழ்ச்சியோ ....?
ஆசான் அதிகாரத்தில் கேட்டேன் ....!!!

எனக்கு ....
கை கூப்புவது பிடிக்காது .......
கை தட்டுவதே பிடிக்கும் என்றான் ....
கை தட்டி பாருங்கள் -ஓசை மட்டும் ....
வருவதில்லை .ஓயஷ்சும் (காந்த சக்தி )
கிடைக்கும் என்றான் .....!!!

எல்லா மனித நரம்புகளும் ....
கையுடன் தொடர்புபடும் ....
கை தட்டினால் அனைத்து ....
மன அழுத்தமும் பறந்துவிடும் ....
தனித்து நின்று கை தட்டினால் ....
பித்தன் என்கிறார்கள் .....
கூட்டத்தோடு தட்டினால் ...
" பிரார்த்தனை" என்கிறார்கள் ....!!!

இன்னும் ஒன்றை கேளுங்கள்   .....!!!

கைகளை கொண்டு ....
போராடுங்கள் என்றது
மாக்சிஷம்....!
கைகளை ஆயுதமாக்கியது .....
பாசிஷம்.......!
இருகோட்பாடும் தோற்றுவிட்டது...
முதலாளிதுவத்திடம் .....!!!
இங்கு அலங்கார ஆடையுடன் ....
கை கூப்பியவன் ,கை குலுக்கியவன் ....
உலகினிலே நிமிர்த்து நிற்கிறான்  .....
எனக்கு கை கூப்பும் கொள்கை ....
பிடிக்காது ..............!!!

^
அதிசயக்குழந்தை
வசனக்கவிதை
கவிப்புயல் இனியவன்
தொடர் - 06

 

புதன், 27 ஜனவரி, 2016

காதல், நட்பு , கவிதைகள் 02

உறவுகளின் அடைப்புக்குள்
அடங்கி தவிக்கும் துடிக்கும்
காதல் .....!!!
உறவுகளின் எதிர்ப்பு வந்தால்
தவுடு பொடியாக்கிவிடும் ...
நட்பு ......!!!

காதலில் தோல்வி வந்தால் ....
காலம் முழுதும் வெந்து ...
துடிக்கும் மனசு ....!!!
நட்பில் தோல்வி வந்தால் ....
காத்து கொண்டிருக்கும் ...
மீண்டும் சேர மனசு ....!!!

காலத்தின் பருவத்தால் ....
காதல் மலரும் ...
கால மாற்றத்தால் காதலும் ....
மாறும்.......!!!
பருவ காலம் இன்றி வருவது ....
நட்பு ....
காலம் மாற்றம் அடைந்தாலும் ....
நட்பு மாற்றம் அடையாது ....!!!

^
காதல், நட்பு , கவிதைகள்
கவிப்புயல் இனியவன்

காதல், நட்பு , கவிதைகள்

நீ காதலா....? நீ நட்பா....?
---------
இலட்சியங்களை.....
இலக்காக்கும்
காதல்....!!!
இலட்சியங்களை.....
இயக்க வைக்கும் ...
நட்பு....!!!

கட்டுப்பாடுகளை.....
கண்ணியமாக்கும் ...
காதல்....!!!
கட்டுப்பாடுகளை ...
கற்று தரும்
நட்பு.....!!!

இதயத்தை....
பறி கொடுப்பது....
காதல்...!!!
இதயத்தையே ....
பரிசளிப்பது....
நட்பு...!!!

கஷ்டங்களில்.....
கைகொடுப்பது ....
காதல்....!!!
கஷ்டங்களில்
தோள் கொடுப்பது ...
நட்பு....!!!

துயரங்களை
தூக்கி எறியும்
காதல்.....!!!
துயரங்களில் ....
பங்கெடுக்கும் ...
நட்பு....!!!

காதலின் வெற்றி.....
இருவரும் இணைவது
நட்பின் வெற்றி
இருவரும் உயர்வது ....!!!

காத்திருக்க வைத்து ...
கனவுகளை தருவது ....
காதல் .....!!!
கவலைப்படும் போது
காத்திருந்து உதவும்
நட்பு.....!!!

எதிர்பால் கவர்ச்சியால்
வருவது
காதல் ....!!!
எந்தகவர்ச்சியில்லாமல்
வருவது
நட்பு ....!!!

காயம் தரும் காதல்.....
ஆறுதல் சொல்லும் ....
காயத்தோடு சென்றால் ....
அரவணைத்து கொள்ளும்...
நட்பு .....!!!

பெற்றோரால் ....
ஆசிர்படுத்தப்படுவது ....
காதல்....!!!
பெற்றோரால் ....
ஆதரிக்கப்படுவது
நட்பு .....!!!

செவ்வாய், 26 ஜனவரி, 2016

அதிசயக்குழந்தை - பெயர்

அதிசயக்குழந்தை - பெயர் 
---
ஏய் குழந்தாய்....
உன் பெயரென்ன ....?

அதிசயகுழந்தை....!!!

இது ஒரு பெயரா ...?

அப்போ சொல்லுங்கள் ...
ஆசானே.....
பெயர் என்றால் என்ன ...?

நீ தான்
வியாக்கியான வித்தகன்- சொல் ...!!!

அஃறிணையில் பிறந்த மனிதனை ...
" உயர்திணை" யாக்குவது  ...
தான் பெயர் என்றான் ....!!!

புரியவில்லை என்றேன்....

விளக்கினான் இப்படி .....

நாய் ஓடியது (அஃறிணை)
பறவை பறக்கிறது (அஃறிணை)
கண்ணன் ஓடினான் (உயர்திணை)

இப்போது புரிகிறதா என்றான் ....?

புரிகிறது ஆனால் புரியல்ல ....

மேலும் சொன்னான் .....

மனிதன் பிறக்கும் போதும் ....
இறந்தபின்னும் அஃறிணை....!!!

இதோ என் விளக்கம் ....

குழந்தை அழுகிறது  (அஃறிணை)
பிணம் எரிகிறது  (அஃறிணை)
கண்ணன் அழுகிறான் ( உயர் திணை )

இப்போ பாருங்கள் ஆசானே ....
அஃறிணை பிறந்த மனிதன் ....
அஃறிணை இறக்கிறான் ....
இந்த இடைப்பட்ட காலத்தில் ....
மனிதனை உயர்திணையாக்கும்....
ஒரு மொழிக்கருவியே - பெயர் ....!!!

என்று மனிதனுக்கு பெயர் ....
சூட்ட படுகிறதோ -அன்றே அவன் ....
உயர் திணையில் ....
அழைக்கப்படுகிறான் ....!!!
மனிதனின் வாழ்க்கை காலத்தை ....
உயர் தினையாக்குவதே -பெயர் ....!!!

^
அதிசயக்குழந்தை
வசனக்கவிதை
கவிப்புயல் இனியவன்
தொடர் - 05

காதலை காயப்படுத்தாதே

என்னை
காயப்படுத்துவதாய் ....
நினைத்து காதலை ....
காயப்படுத்தாதே ....!!!

இத்தனை நாள் ...
பத்திரமாய் இருந்த நீ
இப்படி இதயத்தை ....
காயப்படுத்துகிறாய் ....!!!

சிறையில் இருந்து ...
தப்புவதற்காக கைதி ....
சிறை சாலையை ...
சேதப்படுத்துவதுபோல்....
என் இதயத்தை
சேதபப்டுத்தி இருகிறாய் ,,,,!!!

நான் ஒரு மூடன் ....
நீ காதலோடு இருகிறாய் ...
என்ற கற்பனையில் ...
வாழ்ந்து விட்டேன் ...
சற்று ஜோசித்திருந்தால் ...
நானே உன்னை விடுத்தலை ....
செய்திருக்கலாம் ....!!!

போகட்டும் விட்டுவிடு ....
காதல் என்றாலும் தப்படும் ...
காதலை  காயப்படுத்தாதே ...!!!

காதல் என்ற மூன்று

காதல் என்ற மூன்று
எழுத்தை வைத்துதான்
மூவாயிரம் கோடி-கவிதை
எழுதப்படுகின்றன ...!!!
^
காதல் துளிக்கவிதைகள்
கவிப்புயல் இனியவன்

எண்ணத்துக்கே நல்லது

கண் விழித்தவுடன் ...
காதலை பார்ப்பது ...
கண்ணுக்கு மட்டுமல்ல ...
எண்ணத்துக்கே நல்லது ...!!!
^
காதல் துளிக்கவிதைகள்
கவிப்புயல் இனியவன்

ஜாக்கிறதை

ஜாக்கிறதை ...
காதலிக்க தயாராக இருக்கும் ...
இதயங்கள் திருடப்பட ....
உள்ளன .....!!!
^
காதல் துளிக்கவிதைகள்
கவிப்புயல் இனியவன்

காதல் மறைக்கும்

கவலையை ...
காதல் மறைக்கும் ...
காதல் கவலையை ...
துறக்கும் ....!!!

^
காதல் துளிக்கவிதைகள்
கவிப்புயல் இனியவன்

காதல் துளிக்கவிதைகள்

காதல் ...
வெற்றி பெற இதய...
பரிமாற்றம்  போதாது
இதயமாக ....
மாறவேண்டும்.....!!!

^
காதல் துளிக்கவிதைகள்
கவிப்புயல் இனியவன் 

சிறப்புடைய இடுகை

நீ ராஜ வாழ்க்கை வாழ்கிறாய்

உன்னை பார்த்து நான்கு பேர் திட்டும் கடன்காரனாக இல்லாமலும்....! நீ நான்கு ..... பேரை பார்த்து திட்டும்.... குடிகாரனகவும் ..... இல்லா...