வியாழன், 1 ஜனவரி, 2015

முத்தான மூன்று வரி கவிதைகள்

காலம் எல்லாம் காதல் வேண்டாம் ...
என்னை காலன் அழைக்கும் வரை
காதல் செய் ....!!!

***********

காதலுக்கு கவிதை தேவை ....
கவிதை எழுத காதல் தேவை ....
காதல் செய் கவிதை வரும் ....!!!

***********

புரிந்துபார் காதல் புரியும்
பிரிந்து பார் காதலின்
வலி புரியும் ....!!!

************

காதல் தவிர்ப்பில் உள்ளது ..
தவிர்ப்புக்களின் வார்த்தையே ...
கவிதை ....!!!

************

இதயம் இருக்கு என்பதற்காக ...
காதல் செய்யாதே ...
இதயமாக காதல் செய் ....!!!

காதலையும் சுமந்து வருகிறாய் ...

நீ
தனியாக வந்த காலத்தில் ..
தாங்க முடியாத என் இதயம் ...
காதலையும் சுமந்து வருகிறாய் ...
எப்படி முடிகிறது என் இதயத்தையும் ..
சுமந்து கொண்டு வருவதற்கு ....!!!

நீ
பார்க்கும் போது அழகுதான் ...
அதைவிட அழகு நீ என்னை ...
பார்க்காததுபோல் பார்த்து போவது ...
தூரத்தில் சென்று பார்க்க துடிப்பது ...!!!

+
இது தொடர் கவிதை அல்ல
தொடரும் கவிதை - 03

முத்துப்போல் பல் அழகியல்ல ...

நீ
பௌணமி அன்றுதான் ...
பிறந்திருக்க வேண்டும் ....
வட்டமுகத்துடன் ....
வண்ண மேனியுடன் ....
பிறந்திருகிறாய்....!!!

முத்துப்போல் பல் அழகியல்ல ...
உன் பல்லைபோல் முத்து அழகு ...!!!
உன் கழுத்தை அலங்கரிக்க ....
ஆபரணம் தேவையில்லை ...
ஆபரணங்கள் அழகு பெற உன் ..
கழுத்து தேவை ....!!!
+
இது தொடர் கவிதை அல்ல தொடரும் கவிதை - 02

புதன், 31 டிசம்பர், 2014

இது தொடர் கவிதை அல்ல தொடரும் கவிதை

உண்மையை சொன்னால் ....
உன்னை பற்றிய கவிதைதான் ...
உன் அசைவுகளை வரிகலாக்குகிறேன்....
உள்ளத்தில் பட்டத்தை உள்ளபடி ....
உரைக்கபோகிறேன்....
உன் உதடுகள் பேசத்தேவையில்லை ...
அசைந்தாலே போதும் ....
நான் ஆயிரம் கவிதைகள் எழுதுவேன் ...!!!
+
இது தொடர் கவிதை அல்ல தொடரும் கவிதை 

அன்புள்ள காதலே .....!!!

காதலே ...
நான் உன்னை பிரியாதவரை ...
நீ என்னை பிரியாது இரு ....
இல்லையேல் நான் உலகை ....
பிரியும் வரையாவது  நீ
பிரியாமல் இரு ....!!!

@@@@@

காதலே ....
காயப்படாமல் இரு ...
காயப்படாமல் இருந்தால் ...
காதலே இல்லை என்கிறது ...
காதல் ....!!!

அன்புள்ள காதலே .....!!!

உன்னை வெறுக்கத்தான் ...
துடிக்கிறேன் - நெருப்பின் .....
மேல் விழுந்த நெய் போல் ...
கொழுந்து விட்டு எரிகிறது ...
உன் நினைவுகள் ...!!!

@@@@@@@


காதலிக்க
முன் கற்று கொள்ளுங்கள் ...
காதல் நிலையானது ...
காதலி நிகழ்தகவானது ...!!!

உயிர் எழுத்தும் நீதான் உயிரே ....!!!


அழகியே அன்பரசியே ...
அழகுக்கெல்லாம் அழகியே...
அற்புதங்களில் ஒன்றாய் உன் ...
அழகையே அலங்கரிப்பேன் ...!!!

ஆ 
ஆருயிரே ஆனந்தியே ....
ஆறறிவை அழித்தவளே ...
ஆயுளை அரிதாக்கியவளே...
ஆயுள் வரை ஆதரிப்பேன் ....!!!

இ 
இனியவளே இன்பரசியே ....
இதயத்தில் இடம் பிடித்தவளே ...
இரண்டர என்னோடு வாழ்பவளே ...
இல்லறத்தில் நல்லறம் காண்பேன் ...!!!

ஈ 
ஈரவிழி ஈஸ்வரியே ...
ஈன்ற தாய் போல் என்னை ...
ஈரத்துடன் காப்பவளே ....
ஈரேழு ஜென்மம் நீதானடி .....!!!

உ 
உயிரே உமையவளே ....
உயிராய் நினைப்பவளே...
உயிரில் கலந்தவளே ...
உலகம் கவரும் காதலர் நாம் ...!!!

ஊ 
ஊன் உறக்கம் இன்றி என்னை ...
ஊர் ஊற்றாய் சுற்ற வைத்தவளே ...
ஊஞ்சல் ஆடுதடி உன் நினைவுகள் ...
ஊரார் ஆசியுடன் வாழ்வோம் நாம் ....!!!

எ 
என் இதய எழில் அரசியே ...
எதிர் பாராமல் என்னை சந்தித்தாய் 
எதிர்காலமாகிவிட்டாய் -நீ 
எத்தனை இடர் வந்தாலும் நீ தான் ...!!!


ஏகாந்தம் போற்றும் ஏஞ்சலே ...
ஏற்றமடைய வைத்தவளே ....
ஏற்ற துணையாய் வந்தவளே ...
ஏற்றமான வாழ்க்கை வாழ்வோம் ....!!!

ஐ 
ஐம்பொன் சிலை அழகியே ....
ஐம்பொறியையும் அடக்கியவளே...
ஐயம் இன்றி வாழ்வும் நாம் 
ஐவகை நிலத்தை ஆழ்வோம்.....!!!

ஒ 
ஒருவனுக்கு ஒருத்தி நீ 
ஒன்றுபட்டால் உண்டு வாழ்வு ...
ஒற்றுமையாய் வாழ்ந்திடுவோம் ...
ஒளிருதடி நம் வாழ்க்கை பிரகாசமாய் ...!!!


ஓவிய அழகியே ஓவியா ....
ஓராயிரம் எண்ணத்துடன் வாழ்கிறேன் ...
ஓய்வின்றி துடிக்கும் இதயத்தில் ...
ஓர் இதயம் ஈர் இதயம் ஆனதடி ...!!!

ஔ 
ஔவையின் ஆத்திசூடி குணம் -நீ 
ஔவை தமிழின் இசை அழகியே -நீ 
ஔவை பாட்டியின் வயதுவரை ...
ஔடதம் இன்றி  வாழ்வோம் வா ...!!!

என் இனிய புத்தாண்டு வாழ்த்துக்கள்

பிறக்கும் புத்தாண்டை ....
பெற்றெடுத்த என் தாய்க்கு ....
வாழ்த்துக்கு பயன்படுத்த ....
பிறக்கும் புத்தாண்டுதான் ...,.
பெருமை கொள்ள வேண்டும் ...
தாயே என் வாழ்த்துக்கள் ...!!!

இனிய புத்தாண்டு வாழ்த்துக்கள் 

@@@@@

என்னை வழிநடத்தும் ....
தந்தையே பிறக்கும் புத்தாண்டு ...
புதிய வழிகளை பிறப்பிக்கும் ...
பிறப்புக்கு காரணமான தந்தையே ...
உங்கள் வாழ்த்தை பெறுவதற்காக 
தந்தையே என் வாழ்த்துக்கள் ...

இனிய புத்தாண்டு வாழ்த்துக்கள் 

@@@@@

ஆண்டு தோறும் ஆயிரம் ஆயிரம் ....
அர்த்தமுள்ள கருத்துக்களை ...
அழகாக என்னுள் விதைத்த ...
என் உயிர் ஆசானே - உம்மிடம் 
இருந்து ஆண்டுக்கு ஆண்டு ...
வாழ்த்துக்களை பெற்றேன் ...
நானும் ஒருமுறையே வாழ்த்த...
ஆசைப்படுகிறேன் குருவே ....

இனிய புத்தாண்டு வாழ்த்துக்கள் 

@@@@@

புத்தாண்டென்றால் கொண்டாட்டம்.... 
கொண்டாட்டம் என்றால் நட்புதான்...
நண்பா நான் வாழ்த்தாவிட்டாலும்.....
என்னை வாழ்த்த மறக்காதவனே....
வாழ்துகிறேனடா உனக்கு முன் ...

இனிய புத்தாண்டு வாழ்த்துக்கள் 

@@@@@

உணவின்றி உயிர் வாழமுடியாது ...
உறவின்றி ஊரில் வாழமுடியாது ...
உன்னதமான உறவுகளுக்கும் ....
அருகில் உள்ள அயலவருக்கும் ...
வாழ்த்துகிறேன் மகிழ்கிறேன் ....

இனிய புத்தாண்டு வாழ்த்துக்கள் 

@@@@@

தனக்கு மட்டும் உண்ணாமல் ...
பிறருக்காகவும் உணவுதரும் ....
உயிர் வாழவைக்கும் என் ...
முதல்வனே எல்லோருக்கும் ...
மூத்தவனே விவசாயியே ...
உப்பிட்டவரை உள்ளளவு ,,,
நினைக்கணும் வாழ்த்துகிறேன் ...

இனிய புத்தாண்டு வாழ்த்துக்கள் 

@@@@@

நன்றி மறப்பது நன்றன்று .....
நான் இந்த நிமிடம் வரை ...
இன்பமாய் இருக்க காரணமாய்....
இருக்க வழிவகுக்கும் அனைத்து ...
உள்ளங்களுக்கும் வாழ்த்துக்கள் ....

இனிய புத்தாண்டு வாழ்த்துக்கள்

சிறு வரியில் சமுதாய கவிதை

பாம்பை ...
கண்டால் படையும் ...
நடுங்கும் என்கிறார்கள் ...
பாம்பாட்டிக்கு பாம்பு நடுங்குதே ...
பார்ப்பவனுக்கு பாம்பு ....
பாம்பாட்டிக்கு தொழில் ...!!!
+
சிறு வரியில் சமுதாய கவிதை

சிறு வரியில் சமுதாய கவிதை

மண்ணை பொன்னாக மதித்து ... 
மண்ணை பெண்ணாக மதித்து .... 
மண்ணை உயிராக மதித்து ... 
மண்ணை பொன்னாக்க விதைத்தான் ... 
கடன் வட்டி தொல்லை அவனை ... 
மண்ணுக்குள் கொண்டு சென்று .... 
விட்டதே ....!!! 

சிறு வரியில் சமுதாய கவிதை

சிறு வரியில் சமுதாய கவிதை

வீடு  முழுதும் நறுமணம் ....
இருந்தாலும் - சிறுதுளி... 
துர்நாற்றம்  வீட்டையே ...
கெடுத்து விடும் ....!!!

நீ எவ்வளவு நல்லவனாக ...
இருந்தாலும் - கெட்ட நட்பு ....
உன்னையும் கெடுத்தே தீரும் ...!!!
+
சிறு வரியில் சமுதாய கவிதை

செவ்வாய், 30 டிசம்பர், 2014

உன் பார்வைக்கு அஞ்சி ...

என் கவிதைகள்
கண்ணீரை பேனா மையாக்கி ....
கண்ணால் பேசியவை வரிகளாய்  ...
வலிகளாய்  பிறக்கின்றன ....!!!

என்னவளே ...
நீ காலை மாலை பூக்கும் ...
மலராக இருந்து விடு ...
அப்போதுதான் வாடமாட்டாய் ...!!!

உன் பார்வைக்கு அஞ்சி ...
நீ அருகில் வரும்போது ...
மறு தெருவுக்கு போகிறேன்...!!!

+
கே இனியவன் கஸல்
கவிதை ;763

காதல் வலியுடன் இனிமை ...!!!

என் இதயத்தை - நீ
களிமண்ணாக நினைக்கிறாயோ...?
அதுதான் நீ இப்படியெல்லாம் ...
இதயத்தை பிசைந்து பார்கிறாய் ...!!!

நீ
எப்படி வேண்டுமென்றாலும் ...
இதயத்தை பிசைந்து கொள் ..
எனக்கு சிறு கவலை -உனக்கு
கை வலிக்குமே என்றுதான் ...!!!
நீயும் வலியை சுமந்து பார் ..
காதல் வலியுடன் இனிமை ...!!!
+
காதல் வலிக்கிறது
கவிதை எண் -05

நான் காதலோடு இருக்கிறேன் ...

காதல் சோகத்தை மறக்க ....
வைக்கவேண்டும் - நீயோ ...
அடிக்கடி சோதித்து பார்கிறாய் ....
காதல் ஒன்றும் அளவுகோல் ...
கருவியல்ல - அளவிட முடியாத ...
உணர்வு ....!!!

நீ என்னை எவ்வளவு ...
வேண்டுமானாலும் சித்திரவதை ...
செய்துகொண்டே இரு ....
தோற்கப்போவது -நீதான்
நான் காதலோடு இருக்கிறேன் ...
நீயோ காதலிப்பதோடு இருக்கிறாய் ...!!!
+
காதல் வலிக்கிறது
கவிதை எண் -04

சுமையாக எடுத்துவிட்டாய் ...!!!

நன்மை தீமை ...
இன்பம் துன்பம் ....
அனைத்தும் சொல்வதும் ...
கேட்பதும்  காதல் தான் ....!!!

உயிரே இவற்றில் இலாப ...
நட்டம் பார்க்காதே ....
காதல் தோற்றுவிடும் ....
நீ பிரிந்து விட்டாய் என்றால் ...
தீமையையும் துன்பத்தையும் ...
சுமையாக எடுத்துவிட்டாய் ...!!!
+
காதல் வலிக்கிறது
கவிதை எண் -03

காதல் இரு சுவை கொண்டது ...

காதல் உள்ள இதயமே ....
துடித்து கொண்டு இருக்கும் ....
காதலை இழந்த இதயம் ...
துடிதுடித்துக்கொண்டு இருக்கும் ....!!!

காதலோடு வாழ்பவர்கள் ....
சாதனையோடு வாழ்கிறார்கள் ....
காதலை இழந்து வாழ்பவர்கள் ...
சாத்தானோடு வாழ்கிறார்கள் ....!!!
காதல் இரு சுவை கொண்டது ...
காதல் இருக்கும் போது இனிக்கும் ...
இல்லாதபோது கசக்கும் ....!!!
+
காதல் வலிக்கிறது
கவிதை எண் -02

காதல் வலிக்குது

உன் ஒவ்வொரு பார்வைக்கும் ...
ஒவ்வொரு அர்த்தம் இருந்தது ...
உன் ஒவ்வொரு பேச்சுக்கும் ...
ஒவ்வொரு கருணை இருந்தது ....!!!

இப்போ .....
நான் அருகில் வரும் போது ....
எங்கேயோ பார்க்கிறாய் ....
நான் காதலோடு பேசுகிறேன் ...
நீயோ காரணமில்லாமல் ...
பேசுகிறாய் ....!!!
இதயம் மட்டும் வலிக்கவில்லை ...
காதலும் வலிக்கிறது ...!!!

சிறப்புடைய இடுகை

நீ ராஜ வாழ்க்கை வாழ்கிறாய்

உன்னை பார்த்து நான்கு பேர் திட்டும் கடன்காரனாக இல்லாமலும்....! நீ நான்கு ..... பேரை பார்த்து திட்டும்.... குடிகாரனகவும் ..... இல்லா...